პროექტი ,,კოსმოსური ბანაკი’’, რომელსაც ა(ა)იპ ,,მრავალეროვანი საქართველო დემოკრატიული ღირებულებების განმტკიცებისათვს’’ ამერიკის საელჩოს მხარდაჭერით ახორციელებს, საქართველოს რეგიონებში (თელავი,ზუგდიდი და ბათუმი) მცხოვრები მოსწავლეებისთვის რამდენიმე კვირაა რაც დაიწყო.

აღნიშნული პროექტის ფარგლებში ორგანიზაციამ, აქტიური და ნიჭიერი მონაწილეებისთვის, მოაწყო ერთდღიანი ვიზიტი თბილისში, ამერიკის საელჩოში, საქართველოს საავიაციო უნივერსიტეტში, საავიაციო ქარხანასა და დელტას საწარმოებში. 50-მდე მოსწავლე-ახალგაზრდამ ამერიკის საელჩოში მოისმინა ინფორმაცია ,,ვოიაჟერ 1’’ და „ვოიაჟერ 2’’-ის პროექტის შექმნის ისტორიის, მისი მიღწევების და მნიშვნელობის შესახებ.

,,კოსმოსური ბანაკის’’ მონაწილეთა ვიზიტი საავიაციო ქარხნის და ,,დელტას’’ საწარმოების დათვალიერებით გაგრძელდა, სადაც  ისინი გაეცნენ ქართული წარმოების ჯავშანტექნიკის  ნიმუშებს.  მათ  ასევე, საშუალება  ჰქონდათ  დაეთვალიერებინათ საქართველოს საავიაციო უნივერსიტეტი   და დაწესებულაბაში გამოფენილი საფრენი ხომალდების დეტალები.

პროექტი ,,კოსმოსური ბანაკი’’ -ს დასკვნითი ეტაპი მონაწილეების მიერ მინიატურული მაკეტების შექმნით და ამ ნიმუშების გამოფენით დასრულდება.