პარლამენტში შექმნილი ნდობის ჯგუფის ხელმძღვანელმა ირაკლი სესიაშვილმა ჯგუფის პირველი შეხვედრის დასრულების შემდეგ განაცხადა, რომ ნდობის ჯგუფი 2018 წელს 10-მდე საჯარო უწყების ანგარიშს მოისმენს.

,,საპარლამენტო კონტროლის მხრივ ეს უპრეცედენტოა პარლამენტის ისტორიაში", - განაცხადა სესიაშვილმა.

მისივე ინფორმაციით, სახელმწიფო უსაფრთხოების სამსახურის ხელძღვანელი ვახტანგ გომელაური მზად არის პარლამენტში მივიდეს და ნდობის ჯგუფის წევრებს სპეცოპერაციის შესახებ პირველადი ინფორმაცია მიაწოდოს. ჯგუფის ხელმძღვამელი ამბობს, რომ ახლა მხოლოდ თარიღი ზუსტდება.

სუსის ხელმძღვანელთან, ისევე როგორც იუსტიციის მინისტრთან შეკითხვები აქვთ ოპოზიციის წარმომადგენლებსაც. მათ აინტერესებთ როგორ აღმოჩნდნენ ტერორისტები საქართველოს ტერიტორიაზე, როგორ გადმოკვეთეს საზღვარი და საიდან ჰქონდათ იარაღი.