უამინდობის გამო თბილისის საერთაშორისო აეროპორტის მიმართულებით რამდენიმე რეისი გაუქმდა
უამინდობისა და ძლიერი ქარის გამო გვიან ღამით ვერ განხორციელდა რამდენიმე რეისი თბილისის საერთაშორისო აეროპორტის მიმართულებით.
გაუქმდა მოსკოვი-თბილისის რეისი, კიევიდან მომავალი თვითმფრინავის მგზავრები კი, დედაქალაქის ნაცვლად ქუთაისში ჩაფრინდნენ. მგზავრები ამავე თვითმფრინავით თბილისის მიმართულებით მოგვიანებით გამოემგზავრნენ.
ძლიერი წვიმისა და ქარის გამო დაგვიანებით მოუწიათ მგზავრებს ჩამოსვლა თბილისში სტამბოლიდანაც.
