ხანძარს 80 წლამდე ასაკის მამაკაცი ემსხვერპლა
ლანჩხუთის რაიონის სოფელ გრიგოლეთში ხანძარს 80 წლამდე ასაკის მამაკაცი ემსხვერპლა. ძლიერი ცეცხლი მეზობლებმა შენიშნეს, მაგრამ მარტოხელა მოხუცის გადარჩენა ვერ შეძლეს.
მეზობლების თქმით, მოხუცი ელექტროენერგიას არ იყენებდა და სავარაუდოდ ცეცხლი ღუმელის დანთებისას გაჩნდა.
ადგილზე მობილიზებულია ფოთისა და ლანჩხუთის სახანძრო-სამაშველო სამსახურის ოთხი ჯგუფი. ხანძრის გამომწვევ მიზეზს გამოძიება დაადგენს.
