ამერიკის საელჩოს მხარდაჭერით ქართული არასამთავრობო ორგანიზაცია ,,მრავალეროვანი საქართველო დემოკრატიული ღირებულებების განმტკიცებისათვის’’ ბათუმში, თელავსა და ზუგდიდში ახორციელებს  პროექტს ,,კოსმოსური ბანკი’’, რომელიც ითვალისწინებს მოსწავლეების აქტიურ ჩართულობას საჰაერო-საავიაციო კონსტრუქციების ინჟინერული დეტალების შესწავლაში. 

პროექტის მიხედვით გათვალისწინებული პირველი ტრენინგ-სემინარი სამივე რეგიონში უკვე ჩატარდა. ტრენერები აღნიშნავენ, რომ მოსწავლეთა განსაკუთრებული აქტიურობა და აღნიშნული თემისადმი ინტერესი, პირველი საჰაერო ხომალდებიდან დაწყებული ბოლო თანამედროვე მოდელებით დამთავრებული, კოსტრუქციის აგების პრინციპმა გამოიწვია.

ტრეინინგის სხვა ნიშვნელოვან თემებს შორის იყო ავიაციის შექმნის და მისი შემდგომ განვითარების ისტორია. პროექტის მიხედვით ლექციები ავიაციის შესახებ რეგიონებში კიდევ რამდენიმე კვირა გაგრძელდება.

რაც შეეხება  პროგრამის დასკვნით ნაწილს, ,,კოსმოსური ბანაკის’’ მონაწილეები სალექციო კურსის შემდეგ დაამზადებენ კოსმოსური ხომალდების მინიატურულ მაკეტებს.