,,რუსთავი 2"-ის ჟურნალისტი, თენგო გოგოტიშვილი უკრაინაში არ შეუშვეს, - ამის შესახებ ინფორმაციას ,,რუსთავი 2" ავრცელებს. 

ის კიევის აეროპორტში იმყოფება და თბილისში დაბრუნებას ელოდება.

როგორც მედიასაშუალება წერს, თენგო გოგოტიშვილს უკრაინელმა მესაზღვრეებმა კიევში ჩასვლის მიზნის ახსნა-განმარტება მოსთხოვეს.

,,პოსტ სკრიპტუმის" ჯგუფი უკრაინის დედაქალქში, კვირის გადაცემისთვის, სიუჟეტის მოსამზადებლად მიემგზავრებოდა. თენგო გოგოტიშვილმამესაზღვრეებს ყველა საჭირო დოკუმენტაცია წარუდგინა, თუმცა მას ქვეყანაში შესვლაზე მაინც უარი უთხრეს", - წერს ,,რუსთავი 2".

გოგოტიშვილი ვარაუდობს, რომ შესაძლოა, პასპორტში დეპორტის ბეჭედი ჩაურტყან. 

„დიდი შანსია, რომ დეპორტაციის ბეჭედი ჩამირტყან პასპორტში, რაც, ბუნებრივია, არასასურველი განვითარება იქნებოდა მოვლენების. ოფიციალურ ახსნა-განმარტებას არავინ არ აკეთებს, რატომ ვარ აქ. თუმცა, ყველამ იცის, რომ ქართველებს, ბოლო დროს აქვთ პრობლემები უკრაინის საზღვრის გადაკვეთასთან დაკავშირებით,“ - განაცხადა თენგო გოგოტიშვილმა.