დასავლური მედიის ცნობით, ბრედ პიტმა ბოლოსდაბოლოს სიყვარული იპოვა. საუბარია 21 წლის მსახიობზე ელა პერნელზე, რომელიც ადრე ანჯელინა ჯოლისთან მუშაობდა.

უცხოელი ჟურნალისტები დიდი გულმოდგინებით აკვირდებიან თითოეულ ქალს, რომელიც ბრედ პიტს მიუახლოვდება.

ამ ჯერზე რეპორტიორებმა ბრედი ცნობილ ბრიტანელ მსახიობთან ელა პერნელთან ერთად შენიშნეს. გოგონა მას შვილად ეკუთვნის, ის 21 წლისაა, თუმცა ეს ვის ანაღვლებს, როდესაც ორივეს ერთმანეთის დანახვაზე თვალები უციმციმებთ.

ბოლო დროს ბრედი და ელა ერთად დიდ დროს ატარებენ, რადგან ერთ პროექტში არიან დაკავებულები.

საუბარია სტეფანია დანლერის წიგნის Sweetbitter-ის ეკრანიზაციაზე.

პიტი აღმასრულებელი პრროდიუსერია, პერნელი კი წინასწარი მონაცემებით, ერთ-ერთ როლს შეასრულებს.

უნდა აღინიშნოს, რომ ანჯელინა ჯოლის ახალი ამბავი უყურადღებოდ არ დაუტოვებია. ამბობენ, რომ მსახიობმა სკეპტიკურად მიიღო ინფორმაცია ბრედისა და ელას რომანის შესახებ და აღნიშნა, რომ გოგონა მათ შვილზე მხოლოდ ხუთი წლით არის უფროსი.  

პიკანტურ გარემოებას წარმოადგენს ის ფაქტიც, რომ ანჯელინა და ელა მონაწილეობდნენ ფილმში „მალიფისენტე“, სადაც პერნელი მთავარ გმირს უმცროს ასაკში ანსახიერებს, ჯოლი კი - უფროს ასაკში.