თავდასხმა "ქართული ოცნების" ზუგდიდის მერობის კანდიდატისა და შტაბის ხელმძღვანელის ორგანიზებით დაიგეგმა", - ამის შესახებ „ევროპული საქართველოს“ ზუგდიდის მერობის კანდიდატმა, ლელა ქებურიამ გუშინ ერგეტშიმომხდარ დაპირისპირებაზე საუბრისას და განაცხადა.

"განსაკუთრებით აქტიურობით გამოირჩეოდა ოთარ კოდუა, დავით კოდუას მამა, რომელიც „ქართული ოცნების“ შტაბის ხელმძღვანელია,“- განაცხადა ლელა ქებურიამ.

"ქართული ოცნების" ზუგდიდის საარჩევნო შტაბის ხელმძღვანელის, დავით კოდუას მტკიცებით კი მისი მამა, ოთარ კოდუა არის აპოლიტიკური, მეზობელ სოფელში მეგობართან გადაადგილდებოდა.

„მამაჩემი, რომელიც არის აპოლიტიკური, მეზობელ სოფელში მეგობართან გადაადგილდებოდა, ამათ გააჩერეს და პროვოკაცია მოუწყვეს. სპეციალურად დაუწყეს გინება, იყო შეხლა-შემოხლა, ბუნებრივი რეაქცია მამაჩემის მხრიდან, როდესაც ადამიანები დახვდნენ ქუჩაში,“- განაცხადა დავით კოდუამ.