უცხოური მედია ჟერარდ პიკესა და შაკირას განქორწინების თემას კვლავ აქტიურად განიხილავს. იმის მიუხედავად, რომ ფეხბურთელი  Instagram-ზე რეგულარულად აქვეყნებს თავის ცოლთან ერთად გადაღებულ ფოტოებსა და ვიდეოებს. ჟურნალისტები ამტკიცებენ, რომ ცოლ-ქმარი ერთმანეთს გაშორდა, თუმცა მეგობრებად დარჩნენ. სიტუაცია შაკირას აგენტმა განმარტა.

„ისინი კვლავ ერთად არიან, მათ ურთიერთობაში არაფერი შეცვლილა. ჭორებს ავრცელებს ის, ვისაც პიკესა და შაკირასთვის ზიანის მიყენება სურთ“, - განუცხადა მომღერლის აგენტმა გამოცემა HOLA!-ს.

წყვილის განშორების შესახებ ინფორმაცია უკვე რამდენიმე თვეა გრძელდება. ჟურნალისტები „ბარსელონას“ ფეხბურთელს შაკირას მიმართ ეჭვიანობას მიაწერენ. ასევე ვრცელდება ხმები, რომ მომღერალმა მათი საერთო სახლი დატოვა. ჟურნალისტებს ასევე უცნაურად ეჩვენება, ისიც რომ წყვილი ერთად დიდი ხანია არსად გამოჩენილა. თუმცა განქორწინების მტკიცებულება ჯერ ვერცერთმა ჟურნალისტმა მოიპოვა.

პიკესა და შაკირას ორი ვაჟი ჰყავთ - მილანი და საშა.