ხმაური და დაპირისპირებაა თბილისის საკრებულოში - ერთმანეთს ოპოზიციისა და „ქართული ოცნების“ მხარდამჭერები დაუპირისპირდნენ. ამ წუთებში საკრებულოში სხდომა უნდა დაიწყოს, თუმცა სიტყვიერი დაპირისპირებისა და ხმაურის გამო, სხდომის დაწყება ვერ ხერხდება.

პუშკინის სკვერის მიმდებარე ტერიტორიაზე 1 946 კვ. მეტრი ფართისთვის ზონის შეცვლის საკითხს საკრებულოს წევრების და თბილისის მერობის კანდიდატების მხრიდან პროტესტი მოჰყვა.

,,არ მივცემთ სხდომის ჩატარების საშუალებას, 48 საათიც რომ მოგვიწიოს აქ დგომა, ეს სხდომა არ ჩატარდება", - განაცხადა ელენე ხოშტარიამ. 

თაბორის მთა გადაიქცა ზვიგენარიუმად, - ამის შესახებ საკრებულოს სხდომაზე ენმ-ის მერობის კანდიდატმა ზაალ უდუმაშვილმა განაცხადა.

,,თაბორის მთა გადაიქცა ზვიგენარიუმის თუ მავზოლეუმის მშენებლობად. ზვიგენარიუმი კეთდება ჩვეულებრივი. სამი კვირა გაქვთ დარჩენილი ასეთი გადაწყვეტილებების მისაღებად. სამი კვირის მერე ამ ქალაქს აუცილებლად ეყოლება პატრონი, რომელიც სულ სხვა გადაწყვეტილებებს მიიღებს", - მიმართა საკრებულოს უმრავლესობას უდუმაშვილმა.

„ნაციონალურმა მოძრაობამ“ კომისიის სხდომა პროტესტის ნიშნად დატოვა.