ფრაქცია „ევროპული საქართველოს“ წარმომადგენლებმა პარლამენტის სხდომათა დარბაზი, სადაც კონსტიტუციურ პროექტზე რიგგარეშე სხდომაზე იმართება, პროტესტის ნიშნად დატოვეს. როგორც პარტიის წარმომადგენელმა ელენე ხოშტარიამ განაცხადა, ისინი „ფარსში მონაწილეობას არ აპირებენ“.

როგორც ჟურნალისტებს ხოშტარიამ განუცხადა, ნაცვლად იმისა, რომ უმრავლესობას ეზრუნა დაპირებების შესრულებაზე, ადამიანების ეკონომიკური მდგომარეობის გაუმჯობესებაზე, "ქართულმა ოცნებამ" ყველა ტყუილს ძალიან დიდი ტყუილი დაუმატა, რადგან აიღეს და მიიღეს ფუნდამენტური დოკუმენტი საკუთარი პარტიული ინტერესებით. 

მოგვიანებით, სხდომა დატოვეს „ნაციონალური მოძრაობის“ წარმომადგენლებმაც. 

პარლამენტში კონსტიტუციურ პროექტზე მესამე მოსმენის რეჟიმში მსჯელობენ.