პრინცი ჰარი და მისი შეყვარებული მეგან მარკლი ტორონტოში შეზღუდული შესაძლებლობების პირთა სპორტული თამაშების გახსნის ცერემონიას დაესწრნენ. ჩოგბურთის მატჩს ისინი ტრიბუნიდან ადევნებდნენ თვალს და ერთმანეთს თბილად ესაუბრებოდნენ.

წყვილი ერთად საჯაროდ პირველად გამოჩნდა. მსახიობმა ამისთვის თეთრი პერანგი და ჯინსები შეარჩია. ჰარისაც ჯინსები და შავი მაისური ეცვა. შეყვარებულები ძლიერი სიცხის მიუხედავად, შესანიშნავად გამოიყურებოდნენ.  

შეზღუდული შესაძლებლობების პირთა სპორტული თამაშების გახსნის ცერემონიას ასევე ესწრებოდა მელანია ტრამპიც, რომელიც ჰარის გვერდით იჯდა. მეგანი დარბაზში იმყოფებოდა, თუმცა ასპარეზობებს თვალს შორიდან ადევნებდა.

შეყვარებულებმა შეხვედრები გასული წლის ზაფხულიდან დაიწყეს. მეგანმა და პრინცმა ჰარიმ ერთმანეთი საერთო მეგობართან გაიცნეს და მას შემდეგ ერთმანეთს არ დაშორებიან.