პროფკავშირები ახალ თავმჯდომარეს ირჩევს.  არჩევნებში სამი კანდიდატი მონაწილეობს: გაერთიანების მოქმედი თავმჯდომარე ირაკლი პეტრიაშვილი, ხელოვნების მუშაკთა პროფკავშირის თავმჯდომარე დავით ოქიტაშვილი და ენერგეტიკის მუშაკთა პროფკავშირის თავმჯდომარე ამირან ზენაიშვილი.

ადგილზე სამართალდამცველთა მობილიზება სავარაუდოდ, კანდიდატებს შორის არსებულ დაპირისპირებას უკავშირდება.

პროფკავშირების მოქმედი თავმჯდომარე ირაკლი პეტრიაშვილი პროცესებში ხელისუფლების ჩარევაზე საუბრობს. პეტრიაშვილის თქმით მმართველ გუნდს სურს, პროფკავშირებს ხელმძღვანელობდეს ადამიანი, რომელსაც ისინი გააკონტროლებენ.

პროფესიული კავშირების გაერთიანების ყრილობაზე ახალი თავმჯდომარე 219-მა დელეგატმა უნდა აირჩიოს. გამარჯვებული დღესვე ფარული კენჭისყრის შედეგად გამოვლინდება.