ეროვნულ-დემოკრატიული ინსტიტუტის (NDI) საზოგადოებრივი აზრის კვლევა შეეხო თვითმმართველობების საკითხებსაც.

გამოკითხულთა 44% აცხადებს, რომ ამის შესახებ არ სმენია, 52% კი ამბობს, რომ ინფორმირებულია.

საუბარია 7 ქალაქის - ამბროლაურის, ახალციხის, გორის, ზუგდიდის, თელავის, მცხეთისა და ოზურგეთის თვითმმართველი ქალაქის სტატუსის ჩამორთმევაზე.

ის, რომ ქალაქის და თემის მუნიციპალიტეტები გაერთიანდება, ანუ ორივეს ერთი და იგივე უწყება უხელმძღვანელებს მიუღებელია 59%-სთვის, ხოლო 16%-სთვის მისაღებია.

გამოკითხულთა 45%-ს მიაჩნია, რომ ამ ცვლილებებს უარყოფითი გავლენა ექნება ქვეყნისთვის, 11% პროცენტი დადებით შედეგს ელოდება, ხოლო 18% კი არანაირ გავლენას არ ელოდება. 

NDI-მ და CRRC–საქართველომ დღეს მედიას   საზოგადოებრივი აზრის კვლევის შედეგების პირველი ნაწილი წარუდგინეს. მეორე ნაწილს კი საზოგადოებას ხვალ გააცნობენ.

კვლევის საველე სამუშაოები ჩატარდა 18 ივნისი - 9 ივლისის პერიოდში, საქართველოს მასშტაბით (ოკუპირებული ტერიტორიების გამოკლებით), 2,261 პირისპირ ინტერვიუს წარმომადგელობითი შერჩევის საფუძველზე.

NDI-ის კვლევები ხორციელდება დიდი ბრიტანეთის მთავრობის UK aid-ის ფინანსური ხელშეწყობით. გამოკითხვას ატარებს CRRC-საქართველო.