„თქვენგან ჩვენ ვისწავლეთ ძალა აგრესიის გარეშე, სიყვარული პირფერობის გარეშე, ვისწავლეთ რწმენა ფანატიზმის გარეშე, შებრალება შეცოდების გარეშე. თქვენ ნამდვილდ შეძელით და განამტკიცეთ ჩვენი ერი“, - მიმართა პრეზიდენტმა გიორგი მარგველაშვილმა საქართველოს კათოლიკოს პატრიარქს სნოში საქველმოქმედო სასტუმროს გახსნის ღონისძიებაზე სიტყვით გამოსვლისას.

ჩვენთვის უაღრესად მნიშვნელოვანია ის მტკიცე ხელი, რომლითაც თქვენ, ქართული ეკლესიის მეშვეობით, ქართულ სახელმწიფოს განვითარებასაც განაპირობებთ, რადგან მიუხედავად იმისა, რომ ეკლესია და სახელმწიფო საქართველოში გაყოფილია, პოლიტიკურ პროცესებზე ყველაზე ავტორიტეტული ინსტიტუტის გავლენა უდავოა“, - აღნიშნა გიორგი მარგველაშვილმა.

სნოში,  მრევლის შემოწირულობით, 34-ნომრიანი სასტუმრო გაიხსნა. ღონისძიებას საქართველოს პატრიარქი, პრეზიდენტი, პრემიერ-მინისტრი, პარლამენტის თავმჯდომარე, დეპუტატები და მინისტრთა კაბინეტის წარმომადგენლები ესწრებიან. 

სასტუმრო პილიგრიმებს მოემსახურება და შემოსული თანხა ადგილობრივებს მოხმარდებათ.