სექტემბრიდან "პატრიოტთა ალიანსი" რუსს დეპუტატებს ყოველთვიურად შეხვდება. დღეს “საქართველოს პატრიოტების“ დეპუტატებმა მოსკოვში, რუს კოლეგებთან გამართული შეხვედრები შეაჯამეს. როგორც განმარტეს, რუსეთის სახელმწიფო დუმაში შეხვდნენ დსთ-სა და ევრაზიული კავშირის კომიტეტის თავმჯდომარეს ლეონიდ კალაშნიკოვს, დეპუტატებს - არტიომ კავინოვს, ყაზბეკ ტაისაევი, უმახან უმახანოს და ასევე, სახელმწიფო დუმის აპარატის მაღალი თანამდებობის პირებს. 

"მოსკოვში კოლეგებთან სასაუბროდ ჩასვლა ჯერ კიდევ ყველაფერი არ არის, ეს არის პირველი ნაბიჯი და პირველი ცდა. მათთან ჰუმანიტარულ საკითხებში თანამშრომლობაზე დასტური უკვე არსებობს. პირველ რიგში სოხუმში მინდა ჩასვლა, ცხინვალში მინდა ჩასვლა და ამას ვიწყებთ საფლავების მონახულებით, რა საკითხშიც სრული მხარდაჭერა და დახმარება მივიღეთ. წიგნების ჩატანა, ამით იწყება საუბარი და შემდეგ გადავალთ სხვა საკითხებზეც", - განაცხადა ადა მარშანიამ.

მისი თქმით, სექტემბერში "პატიორტთა ალიანსი" მოსკოვში მორიგ ვიზიტს განახორციელებს.