„პოლიციის საქმეს ჩვენ ვაკეთებთ, ჩვენ ვიძიებთ საქმეს”, - ამის შესახებ აზერბაიჯანელი ჟურნალისტის, აფგან მუხთარლის მეუღლემ, ლეილა მუსტაფაევამ განაცხადა.

მისივე თქმით, ის, რომ უსაფრთხოების კამერები არ მუშაობდა და მათ ჩანაწერები არ აქვთ, ნონსენსია.

„პოლიციას მივაწოდეთ ინფორმაცია იმ სამი პირის შესახებ რომლებიც ჩვენი აზრით უთვალთვალებდა აფგან მუხთარლის გატაცებამდე. ამის შემდეგ პოლიციიდან დაგვიკავშირდნენ და გამოსაკითხად დამიბარეს. სამწუხაროდ პოლიციის საქმეს ჩვენ ვაკეთებთ, ჩვენ ვიძიებთ საქმეს ჩვენ ვაწვდით მათ მასალებს, რადგან ამბობენ, რომ შინაგან საქმეთა სამინისტროს უსაფრთხოების კამერები არ მუშაობდა და მათ ჩანაწერები არ აქვთ. ეს ნონსენსია. აფგანი ამბობს, რომ გამტაცებლები კრიმინალური პოლიციის უნიფორმაში იყვნენ ჩაცმულები, 10 დღეში ამ სამსახურის ხელმღვანელი ამირანაშვილი მოხსნეს თანამდებობიდან და შემდეგ თქვეს რომ კამერები არ მუშაობდა. ეს სამი ფაქტი საკმარისია იმისთვის, რომ  შინაგან საქმეთა მინისტრი გადააყენონ, თუ მათ რეალურად სურთ გამოძიების წარმართვა. მაგრამ ცხადია რომ ,,ქართული ოცნების" მთავრობას ამის სურვილი არ აქვს,“ - განაცხადა ლეილა მუსტაფაევამ.