დღეს საქართველოს პარლამენტში სამხრეთ კავკასიის და უკრაინის ახალგაზრდა პოლიტიკოსთა ფორუმი დაიწყო.

 „ანტი-დემოკრატიული და ანტი-დასავლური პროპაგანდა სამხრეთ კავკასიასა და უკრაინაში“ - ღონისძიების ერთ-ერთი მთავარი თემაა. ფორუმის მონაწილეები სომხეთიდან, აზერბაიჯანიდან, საქართველოდან, უკრაინიდან, ნიდერლანდებიდან და დიდი ბრიტანეთიდან განიხილავენ ისეთ საკითხებს, როგორიცაა დეზინფორმაციის გამოყენება ანტი-დემოკრატიული და ანტი-დასავლური პროპაგანდის მიზნებისთვის. „ფორუმი ორ ძირითად თემას ეძღვნება.

პირველი დღის თემა არის ანტიდემოკრატიული პროპაგანდა ჩვენს რეგიონში. ხოლო მეორე დღე უკვე ეძღვნება იმ ციფრულ ტექნოლოგიებს რომლებიც ეხმარება პოლიტიკურ პარტიებს მთავრობებს და პარლამენტს საკუთარი დემოკრატიული ეფექტურობის გაზრდის საქმეში“, - აცხადებს ნიმდ-ის (ნიდერლანდების ინსტიტუტი მრავალპარტიული დემოკრატიისთვის) აღმოსავლეთ ევროპის სამეზობლოს ოფისის დირექტორმა ლევან ცუცქირიძემ.

 ახალგაზრდა პოლიტიკოსები ერთმანეთს გაუზიარებენ ამ გამოწვევებთან ბრძოლის გამოცდილებას და სტრატეგიებს. ხვალ დილის 10 საათიდან ფორუმის მონაწილეები განიხილავენ ციფრული საშუალებების როლს ანტი-დემოკრატიულ პროპაგანდასთან ბრძოლაში და იმსჯელებენ იმაზე თუ რა ნაბიჯები უნდა გადაიდგას სამხრეთ კავკასიის ქვეყნების, უკრაინის და ევროკავშირის მხრიდან ანტი-დემოკრატიულ პროპაგანდასთან და დეზინფორმაციასთან საბრძოლველად.

 სამხრეთ კავკასიის და უკრაინის ახალგაზრდა პოლიტიკოსთა ფორუმი არის პოლიტიკური დებატების მნიშვნელოვანი პლატფორმა რეგიონის მომავალი გადაწყვეტილების მიმღებთათვის.

მისი მიზანი არის პოლიტიკოსთა შესაძლებლობების გაზრდა დემოკრატიის განვითარებისთვის, ასევე დიალოგის ხელშეწყობა და გაოცდილების გაზიარებაა. ფორუმის ორგანიზატორი ნიმდ-ის აღმოსავლეთ ევროპის სამეზობლოს ოფისია. ღონისძიება ხორციელდება დიდი ბრიტანეთის მთავრობის კონფლიქტის, სტაბილურობის და უსაფრთხოების ფონდის მხარაჭერით. ახალგაზრდა პოლიტიკოსთა ფორუმი თბილისში უკვე მეხუთედ იმართება.