„შეხვედრა აუცილებლად გაიმართება, ფორმატის დეტალების შესახებ უახლოეს დღეებში გაცნობებთ. “, - ამის შესახებ საპარლამენტო ფრაქცია "ქართული ოცნების" თავმჯდომარემ, მამუკა მდინარაძემ მმართველი გუნდსა და ოპოზიციას შორის დიალოგის შესახებ განაცხადა.

როგორც ჟურნალისტებს მდინარაძემ განუცხადა, დიალოგთან დაკავშირებით მმართველ გუნდში კონსულტაციები გაიმართება და ბოლო სიტყვა გუნდის პოლიტიკურ ლიდერებს, პარლამენტის თავმჯდომარეს და პრემიერ-მინისტრს ეკუთვნით.

"ფორმატის დეტალების შესახებ უახლოეს დღეებში გაცნობებთ. შეხვედრა აუცილებლად გაიმართება, ფორმატი უახლოეს დღეებში გეცოდინებათ. ოპოზიციისა და ექსპერტების მოსაზრებების 70-80 პროცენტი გავითვალისწინეთ. კონსენსუსის მიღწევის საქმეში ნაბიჯები გადავდგით, ახლა ჯერი მათზეა, იქნებ, დიალოგის ფორმატში გავიგოთ პასუხი მთავარ კითხვაზე - რა შემთხვევაში დაუჭერენ მხარს კონსტიტუციური ცვლილებების პროექტს. ჩვენ შეხვედრაზე გარკვეული პოზიციებით მივალთ და მათ წინადადებებს დაველოდებით - პოზიციებს რა შემთხვევაში დათმობენ და რა კომპრომისზე არიან წამსვლელები. გიდასტურებთ, რომ ერთ-ერთი წითელი ხაზი პროპორციულ სისტემაზე გადასვლაა და ეს საკითხი არ გადაიხედება ამ საკითხზე გუნდის შიგნით შეთანხმება უკვე მიღწეულია და ეს თემა არ გადაიხედება", - აღნიშნა მდინარაძემ.

ცნობისთვი, პარლამენტმა საკონსტუტიციო ცვლილებები მეორე მოსმენით უკვე მიიღო, თუმცა ოპოზიცია ცვლილებების კორექტირებას ითხოვს.