საქართველოს პარლამენტის თავმჯდომარის მტკიცებით,  მცოცავი ოკუპაცია უშიშროების საბჭოს განსახილველი საკითხი არ არის. ირაკლი კობახიძის თქმით, უშიშროების საბჭო, კონსტიტუციის თანახმად განიხილავს თავდაცვის ორგანიზებისა და სამხედრო აღმშენებლობის საკითხებს.

,,რაც შეეხება მცოცავ ოკუპაციას, ეს არ არის არც ერთი, არც მეორე საკითხი. შესაბამისად უშიშროების საბჭოს პრეროგატივა არ არის ამ საკითხთან დაკავშირებით სხდომის ჩატარება," - განაცხადა კობახიძემ არასამთავრობო ორგანიზაციების მოთხოვნის საპასუხოდ გააკეთა, რომელიც სოფელ ბერშუეთის მიმართულებით არსებულ საოკუპაციო ხაზზე ე.წ სასაზღვრო ბანერის აღმართვის ფაქტს ეხება.

არასამთავრობო ორგანიზაციები რუსეთის საოკუპაციო ძალების მიერ გორის რაიონის სოფელ ბერშუეთის მიმართულებით არსებულ საოკუპაციო ხაზზე ე.წ სასაზღვრო ბანერის აღმართვის ფაქტზე განცხადებას ავრცელებენ და მოითხოვენ დაუყოვნებლივ გაიმართოს შეხვედრა უშიშროების საბჭოს ან/და უსაფრთხოებისა და კრიზისების მართვის საბჭოს ფორმატის ფარგლებში.