„ქართული ოცნების“ პოლიტსაბჭოს სხდომა ხმაურიანი აქციის ფონზე მიმდინარეობს. პარტიის ოფისთან შეკრებილი აქციის მონაწილეები „ქართული ოცნების“ წევრებს საკუთარ ოფისში შეძახილებითა და სტენით შეაცილეს.

„ბავშვთა სამყაროში“ გაჩენილი ხანძრის შედეგად დაზარალებულები აქციას დილიდან მართავენ. ისინი კახი კალაძესთან შეხვედრას ითხოვენ. აქციის მონაწილეები აცხადებენ, რომ, თუ კალაძე მათ არ შეხვდება, აპირებენ, აქცია მთაწმინდის პარკში გამართონ, სადაც „ქართული ოცნების“ მხრიდან დედაქალაქის მერობის კანდიდატის წარდგენა იგეგმება.

ადვოკატ ფრიდონ სუხიშვილის განცხადებით, „კალაძეს არ აქვს მორალური უფლება, ქალაქის მერი იყოს, ვინაიდან ვიცეპრემიერობის დროს მან არ იკადრა, ამ ხალხთან არ მოვიდა“.

ცნობისთვის, დღევანდელი პოლიტსაბჭოს სხდომის შემდეგ მმართველმა ძალამ დედაქალაქის მერობის კანდიდატი ოფიციალურად უნდა დაასახელოს.