ფრაქცია „ქართული ოცნების“ თავმჯდომარე მამუკა მდინარაძე აცხადებს, რომ ვენეციის კომისიის პრეზიდენტ ჯანი ბუკიკიოს დახმარებით შესაძლებელია გარკვეული კონსენსუსის მიღწევა ოპოზიციასთან, ან თავად ვენეციის კომისიის თავმჯდომარე დარწმუნდება იმაში, რომ შეთანხმების მიღწევა ოპონენტებთან შეუძლებელია.

მისივე თქმით, ჩვენ გვაქვს პროგრესული კონსტიტუცია, რომელიც მოწონებულია ბატონი ჯანი ბუკიკიოსა და ვენეციის კომისიის ექსპერტების მიერ.

„ჯანი ბუკიკიომ გამოთქვა მზადყოფნა, რომ დაგვეხმარება ოპოზიციასთან კონსენსუსის მიღწევაში, რჩება ორი ვარიანტი, - ის დაარწმუნებს ოპოზიციას, რომ ეს არის შეუდარებლად კარგი დოკუმენტი ან თვითონაც დარწმუნდება, რომ ჩვენს ოპონენტებთან, რომლებიც სუბიექტურად უდგებოდნენ ამ საკითხს, კონსენსუსის მიღწევა არის შეუძლებელი. საბოლოო ჯამში მთავარია, რომ ჩვენ გვაქვს პროგრესული კონსტიტუცია, რომელიც ბატონი ჯანი ბუკიკიოს და ვენეციის კომისიის ექსპერტების მიერ იქნა მოწონებული“,-განაცხადა მამუკა მდინარაძემ.