11-15 ივნისს ეროვნულ-დემოკრატიული ინსტიტუტის (NDI) თავმჯდომარე მადლენ ოლბრაიტი, ინსტიტუტის დირექტორთა საბჭოს წევრები და ორგანიზაციის სხვა მეგობრები საქართველოს ეწვევიან.

ვიზიტის მიზანია საქართველოში მიმდინარე დემოკრატიული პროცესებისა და საქართველოს სუვერენიტეტის მხარდაჭერა, საქართველოს მიღწევების, მიზნებისა და გამოწვევების შესახებ მეტი ინფორმაციის მიღება, საქართველოში NDI-ის საქმიანობაზე დაკვირვება და საქართველოსა და დასავლეთს შორის ტრანსატლანტიკური ურთიერთობების განმტკიცება.

ინსტიტუტის დირექტორთა საბჭოს წევრები და ორგანიზაციის სხვა მეგობრები საქართველოში ხუთ დღეს დაჰყოფენ და თბილისს, კახეთსა და გორს ეწვევიან. დელეგაცია შეხვდება ხელისუფლების წარმომადგენლებს, მათ შორის პრეზიდენტსა და პრემიერ-მინისტრს, პარლამენტის წევრებს, მათ შორის პარლამენტის თავმჯდომარეს, მმართველი და ოპოზიციური პარტიების ლიდერებს, ადგილობრივი თვითმმართველობების წარმომადგენლებსა და მერებს, სამოქალაქო საზოგადოების წარმომადგენლებს, ჟურნალისტებს, ექსპერტებსა და დიპლომატებს.