ბრიტანეთის პოლიცია ტერაქტთან დაკავშირებით ლონდონის ორ მისამართზე ჩხრეკა ჩაატარა. სკოტლანდ-იარდის ცნობით, დააკავეს რამდენიმე ადამიანი.

პოლიციის ინფორმაციით, ჩხრეკა ლონდონის ორ რაიონში - ნიუემსა და ბარკინგში ჩატარდა.

3 ივნისს საღამოს, ლონდონის ხიდზე  ავტომობილი გამვლელებს დაეჯახა, რის შემდეგაც სამი შეიარაღებული ტერორისტი მანქანიდან გადმოვიდა და გამვლელებს დანით თავს დაესხა.

პოლიციამ ტერორისტების ლიკვიდირება მოახდინა. ტერაქტის შედეგად შვიდი ადამიანი დაიღუპა და 48 დაიჭრა. ზოგიერთი მათგანის ჯანმრთელობის მდგომარეობა ამ დრომდე მძიმეა.

ამ დროისათვის ტერაქტთან კავშირისთვის 11 ეჭვმიტანილია დაკავებული, მათ შორის ოთხი ქალია.