პრემიერ-მინისტრი გიორგი კვირიკაშვილი ლონდონში მომხდარი ტერაქტის გამო, მწუხარებას გამოთქვამს და გარდაცვლილთა ოჯახებს თანაგრძნობას უცხადებს. 

„ძალიან ვწუხვარ ლონდონში მომხდარი ტერორისტული თავდასხმების გამო, რომლებსაც კვლავ შეეწირნენ უდანაშაულო ადამიანები - დაღუპულია ექვსი და დაშავებულია ათობით ადამიანი. თანავუგრძნობ და ვუსამძიმრებ დაღუპულების ოჯახებს, ბრიტანელ ხალხსა და მთავრობას. ამ მძიმე წუთებში ჩვენ მათ გვერდით ვდაგავართ“, - აცხადებს გიორგი კვირიკაშვილი. 
ლონდონში, მიკროავტობუსი ლონდონის ხიდზე მოქალაქეებს დაეჯახა, მანქანიდან დანით შეიარაღებული სამი პირი გადმოვიდა და გამვლელებს თავს დაესხა. 

ქალაქის ცენტრში მომხდარი ტერაქტის შედეგად, ექვსი ადამიანი დაიღუპა, ხოლო 48 დაშავდა. შემთხვევის ადგილზე სამი ეჭვმიტანილი ლიკვიდირებულია.