ნატოს გენერალურმა მდივანმა იენს სტოლტენბერგმა განაცხადა, რომ უკრაინის ხელისუფლებამ ნათლად განმარტა უსაფრთხეობის უზრუნველყოფის აუცილებლობა რუსული ინტერნეტ-რესურსების აკრძალვის გზით.

„უკრაინის მთავრობამ მკაფიოდ განაცხადა, რომ ეს ბრძანება - უსაფრთხოების საკითხია და არ სიტყვის თავისუფლების. სიტყვის თავისუფლება - ეს დიალოგის ნაწილია, რომელსაც უკრაინასთან ვაწარმოებთ, ეს უკიდურესად მნიშვნელოვანია ნატოსთვის“, - განუცხადა სტოლტენბერგმა ჟურნალისტებს.

უკრაინის პრეზიდენტმა პეტრო პოროშენკომ დაამტკიცა უშიშროების საბჭოს გადაწყვეტილება რუსეთის ფედერაციის ფიზიკური და იურიდიული პირების მიმართ სანქციების  გაფართოებისა და გაგრძელების შესახებ.

უკრაინა აწესებს სანქციებს რუსული მედიის რიგი საშუალებების წინააღმდეგ. ქვეყანაში ასევე აიკრძალება წვდომა სოციალურ ქსელებთან „კონტაქტში“, „ოდნოკლასნიკი“, ასევე „იანდექსისა“ და Mail.ru-ს რესურსებთან. ბრძანება ძალაში 17 მაისს შევიდა.