პოლიციამ დორტმუნდის საფეხბურთო კლუბ ”ბორუსიას” ავტობუსზე თავდასხმაში ეჭვმიტანილი დააკავა.

ჩემპიონთა ლიგის მეოთხედფინალური შეხვედრა ”ბორუსიასა” და ”მონაკოს” შორის 11 აპრილს უნდა გამართულიყო, მაგრამ გერმანული კლუბის ავტობუსთან მომხდარი აფეთქების გამო ერთი დღით გადაიდო. ინციდენტის შედეგად დორმტმუნდელთა მცველი მარკ ბარტრა დაშავდა.

გამოცემა Bild-ის ინფორმაციით, ბადენ-ვიურტემბერგის  პოლიციამ დღეს დილით თავდასხმის სავარაუდო ორგანიზატორი დააკავა. დაკავებული 28 წლის სერგეი ვ. წარმოშობით რუსეთიდანაა. ამ მომენეტისთვის პოლიცია მის ორ პეტენციურ თანამზრახველს ეძებს, რომლებიც ასევე წარმოშობით რუსეთიდან არიან.

გამოძიების მომნაცემებით, ასაფეთქებელი მოწყობილობა ეჭვმიტანილმა სავარაუდოდ სასტუმროს ნომრიდან აამოქმედა, რომელიც საგანგებოდ რამდენიმე ხნით ადრე დაიქირავა.