თურქეთში იდლიბის პროვინციის დაბომბვისას დაღუპულთა ცხედრების გაკვეთამ დაადასტურა, რომ  ქიმიური იარაღია გამოყენებული. ამის შესახებ თურქეთის იუსტიციის მინისტრმა ბექირ ბოზდაღმა განაცხადა.   

სამშაბათს დილით იდლიბის პროვინციის ქალაქ ხან-შეიჰუნის დაბომბვისას 70-ზე მეტი ადამიანი დაიღუპა. დაშავებულების უმეტესობას ქიმიური მოწამვლის ნიშნები აღენიშნებოდათ.

30 დაშავებული თურქეთში გადაიყვანეს, სადაც სამი მათგანი გარდაიცვალა.

სირიის ადამიანის უფლებათა დაცვის ცენტრი ქიმიურ თავდასხმაში სირიელ და რუს სამხედროებს  ადანაშაულებს.

სირიელი სამხედროები ქიმიური იარაღის გამოყენებას უარყოფენ და ამტკიცებენ, რომ გაზი ოპოზიციურმა დაჯგუფებამ განოიყენა.

რუსეთის სამხედროების ვერსიით კი სირიის ავიაციამ საბრძოლო მასალების საწყობი დაბომბა, სადაც მებრძოლები ქიმიურ იარაღს ინახავდნენ.