ავღანეთში მყოფი ქართული სამხედრო კონტინგენტის მეთაური სასწრაფოდ თბილისში გამოიწვიეს. თავისუფალი ზონა, თავდაცვის სამინისტროს ინკოგნიტო წარმომადგენელზე დაყრდნობით წერს, რომ რამდენიმე დღის წინ ჩატარებული საპარლამენტო არჩევნების შედეგები საინფორმაციო საშუალებებისთვის ხელმისაწვდომი გახდა. მისი თქმით, ეს საარჩევნო კანონმდებლობის დარღვევაა.

,,შეგახსენებთ რომ ორი დღის წინ გავრცელდა ინფორმაცია, რომ ავღანეთში ჩატარებულ არჩევნებზე ქართული ოცნება დამარცხდა, ხოლო პირველ ადგილზე 76%-ით ნაციონალური მოძრაობა ლიდერობს. ამ ფაქტმა მმართველი ძალის აღშფოთება გამოიწვია. სავარაუდოდ ამ ფაქტს უკავშირდება ლევან იზორიას დაუგეგმავი ვიზიტი გუშინ ბიძინა ივანიშვილის "შუშის სასახლეში". ქართული სამხედრო კონტინგენტის მეტაურის შემდგომი ბედი უცნობია“, აცხადებენ ,,თავისუფალ ზონაში".