ბათუმში სასწრაფო სამედიცინო დახმარების ბრიგადების გამოძახებების რაოდენობა გაიზარდა, რაც თავის მხრივ ტურისტულ სეზონს უკავშირდება. მოქალაქების უკეთ მომსახურებისთვის იგეგმება კიდევ 1 ბრიგადის დამატება.

„მიუხედავად იმისა, რომ შპს ,,ბათუმის სასწრაფო სამედიცინო ცენტრს“ აქვს შესაბამისი რესურსი, გაუმკლავდეს გამოძახებებს, იგეგმება კიდევ 1 ბრიგადის დამატება. მერიის დაფინანსებით, ცენტრს 3 ბრიგადა ივლისში დაემატა და ქალაქს ამჟამად 16 ბრიგადა ემსახურება.
აღსანიშნავია, რომ სირთულის შესაბიმისად, ხდება გამოძახებების დახარისხება პრიორიტეტების მიხედვით. მოსახლეობას ვთხოვთ, გამოიჩინონ მაღალი მოქალაქეობრივი თვითშეგნება და თუ გადაუდებელი შემთხვევა არაა, მიმართონ ამბულატორიებს.
სასწრაფო სამედიცინო დახმარების ბრიგადის გამოძახების ადგილზე მისვლის ოქროს შუალედად მიჩნეულია 15-დან 30 წუთამდე პერიოდი. იმისათვის, რომ არ მოხდეს შეფერხება, კიდევ ერთხელ მოვუწოდებთ მძღოლებს, გზა დაუთმონ სასწრაფოს”, აღნიშნულია ,,ბათუმის სასწრაფო სამედიცინო ცენტრის“ განცხადებაში.