გორში ”თავისუფალი დემოკრატების” საარჩევნო შტაბის უფროსმა და საკრებულოს წევრმა დავით წეწვაძემ ”თავისუფალი დემოკრატების” რიგები დატოვა და ”ქართულ ოცნებას” შეუერთდა.

"მე ჩემს გუნდთან ერთად მოტივირებული ვიყავი გამარჯვებისთვის, თუმცა, ისევე როგორც ჩემს უკან მდგომი თანაგუნდელები, იმედგაცრუებულები დავრჩით. მე ვეღარ ვხედავ ჩემს თავს ამ პარტიაში. ჩემთვის მიუღებელია „ნაციონალური მოძრაობასთან“ მიმსგავსებული იდეების მატარებელ პარტიაში ყოფნა. მე ეს მანკიერი მსგავსება გუშინ განვითარებულ მოვლენებში დავინახე, რომელსაც მე „ბინძურ თამაშს“ ვუწოდებ. ამიტომ, მივიღე გადაწყვეტილება დავტოვო პარტია „თავისუფალი დემოკრატები“ და შევუერთდე „ქართული ოცნება - დემოკრატიულ საქართველოს“, - განაცხადა დავით წეწვაძემ.