დღეს, აჭარის მთავრობის თავმჯდომარემ ზურაბ პატარაძემ 2008 წლის 11 აგვისტოს, სოფელ შინდისთან დაღუპული გმირების ხსოვნას მიაგო პატივი. 
შინდისის გმირების ხსოვნისადმი მიძღვნილი ღონისძიება ბათუმში, შინდისის გმირების სახელობის სკვერში გაიმართა. ღონისძიებას საქართველოს თავდაცვისსამინისტროს, აჭარის ავტონომიური რესპუბლიკის მთავრობის, ბათუმის თვითმმართველობის წარმომადგენლები ესწრებოდნენ. 
სკვერში რუსეთ-საქართველოს ომის ამსახველი ფოტომასალა იყო გამოფენილი. შინსდისთან დაღუპული 17 გმირის სახელზე პარკში სიმბოლურად 17 ნერგიდაირგო. 
2008 წლის 11 აგვისტოს, სოფელ შინდისის სარკინიგზო სადგურთან საქართველოს შეიარაღებული ძალების II ქვეითი ბრიგადის საინჟინრო ოცეული რუსულმოტომსროლელ ასეულთან უთანასწორო ბრძოლაში ჩაება. ქართველი ჯარისკაცების მიმართულებით მტერი თითქმის ყველა სახის იარაღიდან ისროდა, მათშორის ტანკებიდან და რეაქტიული ცეცხლმტყორცნებიდან, მიუხედავად იმისა, რომ მოწინააღმდეგემ ორჯერ გამოიძახა დახმარება, ჩვიდმეტმა ქართველმამებრძოლმა მედგარი წინააღმდეგობა ბოლომდე გაწია და გმირულად დაიღუპა. 
,,ჩვენ დღეს აქ მოვედით, რათა პატივი მივაგოთ ჩვენს 17 გმირს, რომლებმაც თავისი სიცოცხლე შეწირეს ჩვენი ქვეყნის თავისუფლებას და მომავალას.დარწმუნებული ვარ, ჩვენი მომავალი თაობა არ დაივიწყებს მათ სახელებს, მათ ხსოვნას. ისინი ყოველთვის იქნებიან ჩვენს გულებში" - აღნიშნა მთავრობისთვმჯდომარემ.
შინდისის გმირების სახელობის სკვერი ბათუმში მიმდინარე წლის აპრილში გაიხსნა. ევროსტანდარტების შესაბამისად მოწყობილი პარკი ოთხ ჰექტარზეაგაშენებული. აქვეა განთავსებული 150 მაყურებელზე გათვლილი სტადიონი, ადაპტირებული ატრაქციონები და პანდუსებიანი საპირფარეშო. გამწვანდა პარკის 7ათასი კვ.მ. ტერიტორია. პარკში განთავსებულია 90 საბაღე სკამი და სასმელი წყლის შადრევნები. პარკის მშენებლობისთვის ქალაქის ბიუჯეტიდან მილიონ 902ათასი ლარი დაიხარჯა.