თუ ევროკავშირი თურქეთისთვის ვიზალიბერალიზაციის ზუსტ თარიღს არ დაასახელებს, ოფიციალური ანკარა მიგრატთა საკითხთან დაკავშირებით მიღწეულ შეთანხმებას არ შეასრულებს. ასეთი განცხადება გააკეთა ევროკავშირთან ურთიერთობის მინისტრმა, ომერ ქელიკმა.

ანკარასა და ბრიუსელს შორის ორმხრივი შეთანხმება 2016 წლის გაზაფხულზე შედგა. მის საფუძველზე ევროპაში არსებული მიგრანტთა კრიზისი გარკვეულწილად უნდა შემსუბუქდეს.

დოკუმენტის თანახმად,  ევროპის ტერიტორიაზე ჩასულ მიგრანტებს უკან, თურქეთში დააბრუნებენ, სანაცვლოდ კი ანკარა ფინანსურ დახმარება მიიღებს. ასევე,  თურქეთის მოქალაქებისთვის ამოქმედდება უვიზო რეჟიმი. თუმცა,  შეთანხმების მიღწევის შემდეგ მის ძალაში შესვლას რამდენიმე ფაქტორი უშლის ხელს. პირველ რიგში ეს თურქეთში არებული ანტიტერორისტული კანონია. დასავლელი ლიდერები ამბობენ, რომ აღნიშნული კანონით თურქეთის ხელისუფლება ჟურნალისტებს და ოპონენტ პოლიტიკოსებს ავიწროვებს. თუმცა, ოფიციალური ანკარა ბრალდებებს უარყოფს და აცხადებს, რომ კანონი ტერორისტებთან ქმედითუნარიანი ბრძოლისთვის სჭირდებათ. აღნიშნული მიზეზების გამო მხარეებს შორის მიღწეული შეთანხმება ძალაში არ შედის. დათმობაზე წასვლას კი არცერთი მხარე არ აპირებს.

წყარო:2030