ვიზალიბერალიზაციაზე კენჭისყრა ივლისის ბოლოს ან სექტემბრის დასაწყისში გაიმართება - დავით ბაქრაძე

იმედი გვაქვს, ივლისის თვეშივე ან სექტემბრის დასაწყისში უკვე კომიტეტი საბოლოო კენჭისყრას ჩაატარებს, ამის შესახებ სახელმწიფოს მინისტრმა დავით ბაქრაძემ განაცხადა.

როგორც დავით ბაქრაძემ ჟურნალისტებს განუცხადა, ევროკავშირის საბჭოს საგარეო საქმეთა მინისტრების დონეზე ძალიან მკაფიო გზავნილი იყო საქართველოს მხარდაჭერა ყველა წევრი სახელმწიფოს მიერ.

„რაც შეეხება პარლამენტის მიმართულებით, ჩვენ ძალიან ვაფასებთ იმ ძალისხმევას, რომელიც მომხსენებელმა გამოიჩინა და მხარი დაუჭირა საქართველოსთვის ვიზალიბერალიზაციას. ეს დოკუმენტი უკვე წარადგინა კომიტეტზე.  8 ივლისამდე არის პერიოდი, როდესაც შენიშვნები იქნება გათვალისწინებული. იმედი გვაქვს, ივლისის თვეშივე ან სექტემბრის დასაწყისში უკვე კომიტეტი საბოლოო კენჭისყრას ჩაატარებს. ეს შეიძლება იყოს ივლისის თვეშივე, ეს შეიძლება იყოს სექტემბრის დასაწყისშიც. ნებისმიერ შემთხვევაში, ჩვენ იმ მხარდაჭერის რეალიზაციას, რომელიც მივიღეთ პოლიტიკურ დონეზე, ძალიან მაღალი დონის ლიდერებისგან, მოვახდენთ უახლოეს თვეებში”, - განაცხადა დავით ბაქრაძემ.