თეა წულუკიანი პირადი ცხოვრების ამსახველი ვიდეო მასალის გავრცელების ფაქტს ეხმაურება

საქართველოს იუსტიციის მინისტრი, ინტერნეტ სივრცეში პირადი ცხოვრების ამსახველი ახალი ვიდეო მასალის გავრცელების ფაქტს ეხმაურება.

თეა წულუკიანის მტკიცებით, წინა ხელისუფლების დროს გადაღებული კადრები მათივე ძალისხმევით, ხელიდან ხელში გადადიოდა. მინისტრის თქმით, საჭიროა ფაქტებზე მყისიერი რეაგირება, თუმცა, ახალი ტექნოლოგიების ხანაში მისი სწრაფ ვადებში აღმოფხვრა რთულია.  

“ის, რომ 9 წლის განმავლობაში დაგროვებული ,,ნაციონალური მოძრაობის“ მიერ ფარულად ჩაწერილი სიბინძურე ქვეყნიდან არის გატანილი, ან არ არის გატანილი, მაგრამ მათივე დამსახურებით, მათივე ძალისხმევით, ხელიდან ხელში გადადიოდა, ამას რა თქმა უნდა, სჭირდება ყოველ კონკრეტულ საქმეზე მყისიერი რეაგირება, გამოძიება, მაგრამ ახალი ტექნოლოგიების ხანაში ჩვენ არ გვაქვს ილუზია, რომ ბოლომდე, მოკლე ვადაში მათი ეს ქმედებები იქნება აღმოფხვრილი,“ - განაცხადა თეა წულუკიანმა.