ივანიშვილი: 70%-იანი ალბათობით, საქართველო ვიზალიბერალიზაციას ახლა მიიღებს, თუმცა 100%-იანი ალბათობით, ეს წლის ბოლოს მოხდება

,,70%-იანი ალბათობით, საქართველო ვიზალიბერალიზაციას ახლა მიიღებს, თუმცა 100%-იანი ალბათობით, ეს წლის ბოლოს მოხდება”, - ამის შესახებ ყოფილი პრემიერი ბიძინა ივანიშვილი საქართველოში ევროკავშირის ელჩ იანოშ ჰერმანზე დაყრდნობით აცხადებს. მისი თქმით, ჰერმანთან შეხვედრა ერთი თვის წინ ჰქონდა.
,,არადამსახურებულად საქართველო მოექცა ბევრი იმ პრობლემის ცენტრში, რაც ევროპას ბოლო დროს გადახდა. თურქეთს და კოსოვოსაც უნდა ვიზალიბერალიზაცია. საქართველომ განუხრელად შეასრულა ყველა პუნქტი, რომ მიიღოს ვიზალიბერალიზაცია. აქაც უნდა მოვითმინოთ, ვერ მივიღებთ უახლოეს დროში, მივიღებთ სექტემბერში, მაგრამ მოლოდინი უნდა დაგვრჩეს და ხელისუფლებამ ყველაფერი გააკეთოს იმისთვის, იქნებ როგორმე მოხერხდეს უახლოეს დროში ვიზალიბელარიზაციის მიღება. ევროკავშირის ელჩთან მქონდა შეხვედრა ერთი თვის წინ. თუ გნებავთ მის სიტყვებასაც გეტყვით, 70%-იანი ალბათობით შეგვიძლია ახლა მივიღოთ, მაგრამ 100%-ი ალბათობით მივიღებთ წლის ბოლოს“, - განაცხადა ივანიშვილმა.

მისივე თქმით, ეს ხდება არა საქართველოს მთავრობის, არამედ ევროპის შიგნით არსებული პრობლემების გამო.