ლაგოდეხის რაიონის სოფელ მაწიმში ძმამ ძმა მოკლა

ლაგოდეხის რაიონის სოფელ მაწიმში ძმამ ძმა მოკლა - შემთხვევა დღეს დილით, გამთენიისას მოხდა.

მამაკაცი, რომელსაც წინასწარი ინფორმაციით, ფსიქიკური პრობლემები აქვს, 45 წლის ძმა მამის სახლში მოკლა.

ადგილობრივების ინფორმაციით, ძმები სხვადასხვა ოჯახებში ცხოვრობენ, თუმცა, მკვლელობის დროს მათ ურთიერთშელაპარაკება მამის სახლში მოუვიდათ.

ეჭვმიტანილმა ძმას თავდაპირველად ბლაგვი საგანი ჩაარტყა, რის შემდეგაც ის მეორე სართულიდან გადმოაგდო.

შინაგან საქმეთა სამინისტროს ინფორმაციით, ეჭვმიტანილი დაკავებულია.

მომხდარზე გამოძიება  „სისხლის სამართლის კოდექსის"  108-ე, განზრახ მკვლელობის მუხლით აღიძრა.