გარდაბნის მუნიციპალიტეტში მზის ენერგიის პოტენციალის შესწავლა იწყება

საქართველოს ენერგეტიკის სამინისტროსა და კომპანია „მზის ენერგიის კომპანიას“ შორის  დადებული მემორანდუმი ითვალისწინებს გარდაბნის მუნიციპალიტეტში,  ქალაქ გარდაბნისა და სოფელ კალინინოს ტერიტორიაზე მზის პოტნეციალის შესწავლას. კონკრტულად,  ელექტროსადგურის მშენებლობის ტექნიკურ-ეკონომიკური საკითხების შესწავლას  - შემდგომში მისი მშენებლობის, ფლობისა და ოპერირების მიზნით.

 მემორანდუმის თანახმად კომპანია 12 თვის განმავლობაში გარდაბნის მიმდებარე ტერიტორიაზე ჩაატრებს ტექნიკურ-ეკონომიკურ კვლევას  და საჯარო განხილვებს, მოამზადებს გარემოზე ზემოქმედების შეფასების ანგარიშს და ელექტროსადგურის მშენებლობის შესახებ შესაბამის წინადადებას წარუდგინეს  საქართველოს ენერგეტიკის სამინისტროს.

 „მზის ენერგიის კომპანია“  „Headwall Power International”-ის წარმომადგენელია საქართველოში. „Headwall Power International“ კი  ამერიკული კომპანიაა, რომელსაც აქვს მსოფლიოში დიდი გამოცდილება  ალეტერნატიული ენერგიების მიმართულებით.