ეკა გიგაური: „ჯიპიაი ჰოლდინგი” არის ყველაზე საშინელი სადაზღვეო კომპანია

„საერთაშორისო გამჭვირვალობა საქართველოს“ აღმასრულებელი დირექტორი ეკა გიგაური facebook-ის გვერდზე პოსტს აქვეყნებს და სადაზღვეო კომპანია „ჯიპიაი ჰოლდინგს“ უყურადღებობაში ადანაშაულებს.

 “არ ვიცი ვის რა გამოცდილება გაქვთ სადაზღვეო კომპანიაბთან. რამდენიმე თვის წინ ტენდერის გამოცხადების შემდეგ შევიცვალეთ სადაზრვეო, რადგან გვეგონა, რომ ამ კომპანიამ უკეთეს ფასად უკეთესი პირობები შემოგვთავაზა. ხოდა მინდა გითხრათ, რომ ჯიპიაი ჰოლდინგი • GPI Holding არის ყველაზე საშინელი სადაზღვეო კომპანია, რომელიც ჩვენ შეგხვედრია. გარდა იმისა, რომ ანაზღაურებასთან დაკავშირებით გვაქვს პრობლემები. მათი თანამშრომლები (ვინც ჩვენთან ურთიერთობს) და ოპერატორები და რაც მთავარია ოჯახის ექიმები (ვისაც ჩვენთან ქონდა ურთიერთობა) არიან აბსოლიტურად უპასუხისმგებლო პირები. ჩვენ ერთი უცხოელი თანამშრომელი, რომელსაც ჯანმრთელობის უმძიმესი პრობლემები ქონდა, დღეების განმავლობაში ვერ უკავშირდებოდა ოჯახის ექიმს და კიდევ უფრო მეტი პრობლემა შეექმნა. ხოდა წარმოდგენა არ მინდა რა დღეში აგდებენ რიგით მოქალაქეებს, თუ ჩვენ ასეთ რაღაცეებს გვიკეთებენ. დანარჩენს სამართლებრივი გზებით მივხედავთ!!”, წერს ეკა გიგაური.

ეკა გიგაურის პოსტს უმალვე გამოხმაურა სადაზღვეო კომპანიაც.

ჯიპიაი ჰოლდინგი • GPI Holding ქალბატონო ეკა გამარჯობა, ხარისხის მართვის დეპარტამენტი ჩართულია ამ საკითხის გარკვევაში და აუცილებლად დაგიკავშირდებით.