"ეს შენ გეხება" მოქალაქეებს ხვალ დაგეგმილ აქციაზე მისვლისკენ მოუწოდებს

კამპანიაში "ეს შენ გეხება" ჩართული არასამთავრობო ორგანიზაციების წარმომადგენლები მოქალაქეებს ხვალ დაგეგმილ აქციაზე მისვლისკენ მოუწოდებენ. აქცია 13:00 საათზე ფილარმონიიდან მსვლელობით დაიწყება. 

სამართლიანი არჩევნებისა და დემოკრატიის საერთაშორისო საზოგადოებისა“ და კამპანია „ეს შენ გეხებას“ ერთ-ერთი წარმომადგენლის, ნინო ლომჯარიას განცხადებით, პირადი ცხოვრების ამსახველი კადრების გავრცელებასთან დაკავშირებით, აქცია დედაქალაქთან ერთად საქართველოს სხვა ქალაქებსაც მოიცავს.
,,გვაქვს რამდენიმე მოთხოვნა, პირველი ეს არის ეფექტური გამოძიების წარმოება და გამოძიებაში საერთაშორისო ექსპერტების ჩართვა, მეორე არის იმ კანონმდებლობის შეცვლა, რაც დღეს ხდება და სამართალდამცველებს აქვთ უფლება კონტროლის გარეშე უთვალთვალონ მოქალაქეებს და მესამე – დამოუკიდებელი საგამოძიებო ორგანოს შექმნა, რომელიც გამოიძიებს სამართალდამცავი ორგანოების მიერ კანონდარღვევებს, რათა დაუსჯელობის სინდრომი აღარ არსებობდეს", - განაცხადა "საერთაშორისო გამჭვირვალობა – საქართველოს" აღმასრულებელმა დირექტორმა ეკა გიგაურმა დღეს გამართულ პრესკონფერენციაზე.