გრიგორი კარასინი საქართველოზე: ჩვენს მოთმინებასაც აქვს საზღვარი

საქართველოს თავდაცვის მინისტრის განცხადებები არ არის საპატიებელი, ხოლო მთავარი საფრთხე საქართველოსში მოსალოდნელი საპარლამენტოი არჩევნებია, - ამის შესახებ განაცხადა რუსეთის საგარეო საქმეთა მინისტრმა გრიგორი კარასინმა, პრაღაში რუსეთ-საქართველოს შორის კარასინ- აბაშიძის ფორმატში მოლაპარაკებების დაწყებამდე.

როგორც პრაღაში მყოფი ქართველი ჟურნალისტები აცხადებენ, კარასინმა განსაკუთარებული ყურადღება გაამახვილა შემოდგომით საქართველოში გასამართ საპარალამენტო არჩევნებზე.

„ახლა მთავარი საფრთხე არის საპარლამენტო არჩევნები და ამ კუთხით საქართველოში გაზრდილი პროვოკაციული ანტირუსული განცხადებები ხელისუფლების მხრიდან და პრეზიდენტისგანაც კი. ახლა ვდგავართ წყალგამყოფის წინაშე, ან ვუბრუნდებით კონფრონტაციის პერიოდს ან დავალაგებთ ურთიერთობებს. თავდაცვის მინისტრი მოუწოდებს მსოფლიოს რუსეთის საფრთხის წინაშე გაერთიანებას, ასეთი განცხადებები არაა საპატიებელი, ჩვენ ჯერ თავს ვიკავებთ, მაგრამ ვშიშობ, რომ ჩვენს მოთმინებასაც აქვს საზღვარი”, - განაცხადა კარასინმა, იტყობინება რუსთავი 2.  

პირველი არხის ჟურნალისტი ქეთევენ ქარდავა, რომელიც ასევე აშუქებს კარასინ აბაშიძის შეხვედრას ფეისბუკში წერს: „არავითარი სავიზო რეჟიმის გაუქმებაო, არავითარი პრეზიდენტებს შორის შეხვედრაო, პრეზიდენტიდან დაწყებული რიგითი პოლიტიკოსებით დამთავრებული ყველა ანტირუსული ისტერიით არის შეპყრობილიო, ყველაზე დიდ საფრთხეს დაგეგმილი არჩევნები წარმოადგენსო... კარასინს რამდენიმე წუთის წინ ვესაუბრეთ“.

ოფიციალური კომენტარენს აბაშიძე და კარასინი შეხვედრის დასრულების შემდეგ გააკეთებენ.