„კარგი იქნება, თუ გამოძიებაში აშშ-ს სპეცსამსახურები ჩაერთვებიან“ - პავლე კუბლაშვილი

პროკურატურის განცხადებიდან კარგად ჩანდა, რომ მის მიერ გამოვლენილი ფაქტი ყველა კითხვაზე პასუხს არ იძლევა, რადგანაც გამოძიება ბოლო დღეებში ვიდეოჩანაწერების გავრცელებას არ ეხება, ამის შესახებ გადაცემა 2030-ში პოლიტიკური მოძრაობა „გირჩის“ ლიდერმა, პავლე კუბლაშვილმა განაცხადა.

„მთავარი ის არის, რომ არავინ იცის, ვის, როდის, რა ინფორმაცია აღმოაჩნდება და გაავრცელებს. ყველაზე კარგი პრევენცია დანაშაულში მონაწილე ადამიანებისთვის სასჯელის გარდაუვალობაა. პრობლემაა ისიც, რომ სამართალდამცავი ორგანოების მიმართ ნდობა არ არსებობს. როგორც ჩანს, საქართველოში შესაბამისი ცოდნა არ არის, რომ მსგავსი კიბერდანაშაულის შემთხვევაში ეფექტური რეაგირება მოხდეს. ამიტომ, კარგი იქნება, თუ გამოძიებაში აშშ-ს სპეცსამსახურები ჩაერთვებიან“,- აღნიშნა კუბლაშვილმა.

დეპუტატის აზრით, როგორ და სად იქმნებოდა ეს ჩანაწერები, მეორე ხარისხოვანი არ არის, მაგრამ ყველაზე მძიმე დანაშაული ასეთი ვიდეოებით მთელი საზოგადოების დაშანტაჟებაა.

„მნიშვნელოვანია, როდის, ვის მიერ და რა მიზნით იქნა შექმნილი ვიდეოჩანაწერები. როგორ მოხდა მისი საზოგადოებაში გაჟონვა ვისი პასუხისმგებლობა იყო ამ ყველაფრის განადგურება. ამ კითხვებს პასუხი უნდა გაეცეს. წინააღმდეგ შემთხვევაში, სამოქალაქო დაპირისპირებასთან ახლოს მყოფ საზოგადოებას მივიღებთ. ვთვლი, რომ ეს ჩანაწერები რუსული სპეცსამსახურების მონაწილეობითაა შექმნილი და გავრცელებული. ვერც ერთ პარტიას ასე ვერ დავადანაშაულებ, მაგრამ არიან ძალები, რომლებიც ასეთი მეთოდებით დასავლეთის დისკრედიტაციას ცდილობენ. შესაძლოა, მათ შორის გამორჩეული ვასაძე იყოს, რადგან ეს მის რიტორიკას და მიზანს ჰგას“,-განახცადა პავლე კუბლაშვილმა.