დავით ზალკალიანი: სამუშაოები მიმდინარეობს ოკუპირებული ხაზის მეორე მხარეს

ჯარიაშენში არსებულ ვითარებაზე განმარტებებს აკეთებს საგარეო საქმეთა მინისტრის მოადგილე.

დავით ზალკალიანი ამბობს, რომ სამუშაოები ოკუპირებულ ტერიტორიაზე მიმდინარეობს. მისივე თქმით, საკითხი სამშაბათს ერგნეთის შეხვედრის მთავარი თემა იქნება. 

“ჩვენს ხელთ არსებული ინფორმაციით, სამუშაოები მიმდინარეობს ოკუპირებული ხაზის მეორე მხარეს ანუ მათ მიერ კონტრორილებად ტერიტორიაზე. საგარეო საქმეთა სამინისტრომ მყისიერად აამოქმედა ჩვენს ხელთ არსებული ყველა ბერკეტი. კერძოდ, ინფორმირებულია ჟენევის სამივე თანათავმჯდომარე, ევროკავშირის და ეუთოს წარმომადგენელი. ეს საკითხი იქნება სერიოზული განხილვის თემა სამშაბათს, ერგნეთში ინციდენტების პრევენციის მექანიზმის განხილვის დროს,“ - განაცხადა  ზალკალიანმა.