ხათუნა სამნიძესა და დავით ბერძენიშვილზე თავდასხმისთვის ირაკლი ხომასურიძე დააკავეს

თბილისში, რუსთაველის გამზირზე ხათუნა სამნიძესა და დავით ბერძენიშვილის სიტყვიერი და ფიზიკური შეურაცხყოფის ფაქტზე პოლიციამ ერთი პირი დააკავა.

დაკავებულია ირაკლი ხომასურიძე. მომხდარზე საქმე აღძრულია სსსკ-ის 126-ე, ძალადობის მუხლით.

დავით ბერძენიშვილის ცნობით, მომხდართან დაკავშირებით, ხათუნა სამნიძე და წევრი დავით ბერძენიშვილი დაზარალებულად სცნეს.

"ორივე - ხათუნაც და მეც გვცნეს დაზარალებულებად. ვნახოთ, როგორ გაგრძელდება მოვლენები. უღრმესი მადლობა ასეთი საყოველთაო სოლიდარობისთვის. ეს ქვეყანა ჩვენია და არა ორკების და მათი პატრონების", - დაწერა ბერძენიშვილმა სოციალურ ქსელში.

შეგახსენებთ, დღეს, 6 ივნისს, ხათუნა სამნიძესა და დავით ბერძენიშვილს რუსთაველის გამზირზე 2 კაცი თავს დაესხა.