IFC-იმ ერთ-ერთი პირველი 3* სასტუმროს მშენებლობის დაფინანსებაზე განაცხადა.

საერთაშორისო საფინანსო კორპორაცია $7 მლნ-ის საკრედიტო რესურსს m²-ის შვილობილს გამოუყოფს.

თანხა თბილისში საერთაშორისო ბრენდის - Ramada Encore-ის სასტუმროს მშენებლობას მოხმარდება.

„მრავალი წელია IFC-სთან წარმატებით ვთანამშრომლობთ, ამ ახალი პროექტით სასტუმროების ინფრასტრუქტურის გაუმჯობესებას და ქვეყნის მასშტაბით მოგზაურობაზე მზარდი მოთხოვნის დაკმაყოფილებას ვგეგმავთ,"- აღნიშნა „m² უძრავი ქონების" გენერალურმა დირექტორმა ირაკლი ბურდილაძემ.

152 ნომრიან სასტუმროს კომპანია ენერგოეფექტური ტექნოლოგიების გამოყენებით აშენებს და ეს პირველი ნაბიჯია სასტუმროების ქსელის შექმნის გზაზე. 300 მეტი ხელმისაწვდომი სასტუმრო ნომრის მშენებლობა თბილისსა და საქართველოს სხვა ქალაქებში იგეგმება.

"ჩვენ ხელს ვუწყობთ საქართველოში კერძო სექტორის განვითარებას, დაბალბიუჯეტიანი და საშუალო ფენაზე გათვლილი სასტუმროების დაფინანსებით, რადგან ასეთი ინფრასტრუქტურის არსებობას შეუძლია ბიზნესის და ტურიზმის განვითარების წახალისება", - აღნიშნა IFC-ის რეგიონულმა მენეჯერმა სამხრეთ კავკასიაში იან ვან ბილსენმა.

აღსანიშნავია, რომ 1956 წლიდან IFC-ის დაახლოებით 2.7 მლრდ აშშ დოლარი აქვს ინვესტირებული 276 ტურისტულ და სასტუმროებთან დაკავშირებულ პროექტში, რომლებიც 90 ქვეყანაში განხორციელდა. ამასთან, ამ ინვესტიციების ნახევარი განვითარებად ქვეყნებში იქნა განთავსებული.