კუნძული მხოლოდ ქალებისთვის ფინეთის სანაპიროსთან გაიხსნება

პროექტის საიტზე განთავსებული ინფორმაციით, ყველა მსურველ ქალს შეუძლია კერძო კუნძულზე დაჯავშნოს ადგილი. კუნძული ფინეთის სანაპიროსთან მდებარეობს. ცნობილია, ორმ პროექტი SuperShe-ის სახელწოდებას ატარებს.

„ჩემი შეყვარებულის მშობლები ფლობენ კუნძულს ფინეთის სანაპიროსთან არქიპელაგში. მან მითხრა, რომ მეზობლად მდებარე კუნძული იყიდება. მე მაშინვე ვუთხარი, რომ არ მაინტერესებდა, არა იმიტომ რომ ფული არ მაქვს, არამედ უბრალოდ უფრო საინტერესოა ვიყიდო ლამაზი ადგილი თურქეთში ან სხვა თბილ კუნძულებზე“, - აღნიშნა პროექტის თანადამფუძნებელმა კრისტინა როტმა.

მან აღნიშნა, რომ კუნძულის ყიდვა მაინც გადაწყვიტა, რადგან მისმა სილამაზემ მოხიბლა. კრისტინას თქმით, ასეთი პროექტის შექმნის იდეა ჯერ კიდევ დიდი ხნის წინ გაუჩნდა.

„ქალს მამაკაცთან ერთად მოდუნება არ შეუძლია. შეხედეთ, რა ხდება სანაპიროებზე. როგორც კი ჰორიზონტზე მამაკაცი გამოჩნდება, გოგონები მაშინვე ტუჩსაცხს ისვამენ და ვარცხნილობას ისწორებენ. უმჯობესია თუ კი ისინი თავიანთ სიმშვიდეზე იზრუნებენ და ჰორმონების შეწუხებას არ შეეცდებიან“, - აღნიშნა კრისტინამ.

აღნიშნულია, რომ კუნძული სრულფასოვან რეჟიმში მუშაობას ივლისიდან შეუდგება.