უმა თურმანი 16 წლის ასაკში გააუპატიურეს

მსახიობი უმა თურმანი 16 წლის ასაკში გააუპატიურეს. ამის შესახებ მან The New York Times-თან ინტერვიუში განაცხადა. მისი თქმთ, ინციდენტი ნიუ-იორკში მოხდა.

იმ დროს მსახიობი მანჰეტენის რაიონში ცხოვრობდა და კინოში კარიერა ახალი დაწყებული ჰქონდა. მისი თქმით, ზამთარში მან კლუბში 20 წლის მსახიობი გაიცნო. თურმანმა აღნიშნა, რომ მამაკაცმა მასზე მის სახლში იძალადა, სადაც ისინი დასალევად შევიდნენ.

 „მე უკიდურესად მორჩილი ვიყავი. მაგრამ ვცდილობდი წინააღმდეგობის გაწევას, ვტიროდი, ყველაფერს ვაკეთებდი რაც შემეძლო. მან მითხრა, რომ კარი დაკეტილი იყო. როდესაც სახლში დავბრუნდი, დავდექი სარკის წინ, ვუყურებდი ჩემს ხელებს და ვბრაზობდი, რომ ეს ხელები სისხლიანი და დასერილი არ იყო“, - განაცხადა უმამ.

მან ასევე გაიხსენა პროდიუსერ ჰარვი ვაინშტაინის მხრიდან სექსუალური შევიწროების ფატქიც. მსახიობის თქმით, ჰარვი ცდილობდა, მისთვის გენიტალიების ჩვენებას.