Forbes-ი: მაიკლ ჯექსონი გარდაცვლილ ვარსკვლავებს შორის ყველაზე მდიდარია

Forbes-ის ვერსიით, ამერიკელი მომღერალი მაიკლ ჯექსონი მაღალშემოსავლიანი გარდაცვლილი ვარსკვლავების რეიტინგის პირველ ადგილზეა.
ჯექსონი რეიტინგის სათავეში უკვე მეხუთედ მოექცა. მისმა წლიურმა შემოსავალმა 75 მლნ დოლარი შეადგინა. გასულ წელს მუსიკოსმა, რომელიც რვა წლის წინ გარდაიცვალა, 825 მლნ-ით მეტი გამოიმუშავა, ვიდრე ნებისმიერმა ცოცხალმა არტისტმა.

მეორე ადგილი დაიკავა გასული წლის სექტემბერში გარდაცვლილმა გოლფისტმა არნოლდ პალმერმა. მან 40 მლნ დოლარი გამოიმუშავა.

მესამე ადგილი წილად ხვდა მხატვარ- კარიკატურისტს ჩარლზ შულცს, რომლის Peanuts-ის კომიქსების სერია 50 წლის განმავლობაში გამოდიოდა. მისმა წლიურმა შემოსავალმა 38 მლნ დოლარი შეადგინა.

მეოთხე ადგილი კი 35 მლნ დოლარის შემოსავლით ელვის პრესლის ერგო. ხუთეულის ბოლო ადგილზე ბობ მარლია. მისი წლიური შემოსავალი 23 მლნ დოლარს შედეგენს.