17 წლის გოგონა 1 საათის განმავლობაში 3-ჯერ გააუპატიურეს

ლონდონში 17 წლის გოგონა ერთი საათის განმავლობაში ქუჩაში სამჯერ გააუპატიურეს. შემთხვევა იმ დროს მოხდა, როდესაც ის ღამის კლუბიდან სახლში ბრუნდებოდა.

ამის შესახებ ლონდონის პოლიცია იტყობინება.

სათვალთვალო კამერებმა ორი ეჭვმიტანილი დააფიქსირეს.

კამერებმა გადაიღეს, როგორ მიათრევს შავ ტანსაცმელში ჩაცმული მამაკაცი გოგონას ქუჩაში, შემდეგ კი ძალის გამოყენებით შენობაში შეყავს. ინციდენტის ადგილზე იპოვეს გოგონას ტანსაცმლის ნაფლეთები.

მალე პირველი გაუპატიურების შემდეგ კამერებმა გადაიღეს მეორე ბოროტმოქმედი, რომელიც გოგონას აედევნა.

მამაკაცი დაეწია მას და გაცილება შესთავაზა, შემდეგ კი გააუპატიურა და მიიმალა. ვიდეოჩანაწერში ჩანს ძალადობის მსხვერპლი როგორ მიდის ქუჩაში დახეული ტანსაცმლით.

სულ რაღაც რამდენიმე წუთში იმავე ქუჩაზე გოგონას კვლავ თავს დაესხნენ, ამ ჯერზე მასზე ორმა ან სამმა მამაკაცმა იძალადა.

მიწაზე დავარდნილი გოგონა გამვლელმა შეამჩნია და პოლიცია გამოიძახა. სამართალდამცველები დამნაშავეებს ეძებენ.