შსს-მ მოხუცზე შვილიშვილების მხრიდან სასტიკი “ხუმრობის” ფაქტზე გამოძიება ოჯახში ძალადობის მუხლით დაიწყო

შინაგან საქმეთა სამინისტრომ მოხუცზე შვილიშვილების მხრიდან სასტიკი „ხუმრობის“ ფაქტზე გამოძიება ოჯახში ძალადობის მუხლით დაიწყო.
გამოძიება სსკ-ის 126-ე პრიმა მუხლით გადაკვალიფიცირდა, რაც ოჯახში ძალადობას გულისხმობს.
„ბევრმა ნახა ვიდეოჩანაწერი, სადაც ხანდაზმულ ადამიანს, წინასწარი მონაცემებით, მისივე ოჯახის წევრები პნევმატური იარაღიდან ესვრიან…
ფაქტზე დაიწყო გამოძიება. შემთხვევა, შესაბამისად, გადაკვალიფიცირდა- 126-ე პრიმა მუხლით, რაც ოჯახში ძალადობას გულისხმობს – გზავნილი პოტენციური მოძალადეებისთვის“,- განცხადება ამის შესახებ ფეისბუკის საკუთარ გვერდზე შსს-ს საზოგადოებასთან ურთიერთობის სამსახურის უფროსმა თეა პერტაიამ გააკეთა.
შეგახსენებთ, რომ სოციალურ ქსელში ვიდეო დღე გავრცელდა, რასაც საზოგადოების მხრიდან ერთგვაროვანი შეფასება მოჰყვა. ვიდეოში ჩანს, თუ როგორ დასდევენ ასაკოვან ბებოს შვილიშვილები და პნევმატური იარაღიდან ესვრიან.